كيف تظهر اوفلاين لبعض الاصدقاء ى الفيس بوك

السلام عليكم ورحمة الله وبركاته

كل عام وانتم بخير

علشان تظهرى اوفلاين لبعض الناس عالفيس بوك لازم الأول تقسمى اصدقائك لمجموعات

وممكن تعملى مجموعة وتحطى فيها صديقة واحدة وممكن تعملى مجموعة تحطى فيها 10

براحتك خالص دى أول خطوة وحنعرف ليه .

طب ازاى نعمل مجموعات؟

ادخلى الصفحة الشخصية أو البروفايل ودوسى على كلمة friends

حتفتح لك صفحة وفيها كل أصدقائك تحت بعض وقدام كل واحد علامة صح فى مستطيل
ومكتوب friend
اقفى عليها بالماوس حيظهر لك مستطيل وتحت خالص حتلاقى كلمة+new list
يعنى قائمة جديدة طبعا يا جماعة انا عاملة قوائم من الاول علشان كدة اسمائها ظاهرة فى
الصورة لكن لو فرضنا انك حتعملى قوائم من الأول

حتقفى بالماوس على new list وتكتبى اسم القايمة على مزاجك مثلا أعز اصحاب
أو المجموعة أو المقربين أو المستبعدين أى اسماء واعملى عدة قوائم بالطريقة دى
تمام واقفى بأى على صديق صديق وحطى علامة صح على اسم القايمة اللى انت عايزاه يبقى فيها
عشان تبقى عملت القوايم وحطيتى فيها ناس أمال يعنى حتبقى قوايم فاضية؟
مصحصحة معايا كدة؟...تمام

كدة خلصنا القوائم وحطينا فيها اللى احنا عايزينه
روحى بأى افتحى الشات

واضغطى عالوردة زى الصورة كدة واختارى من المربع اللى حيظهر limit availability

حيظهر لك المربع الكبير دة وفيه كل المجموعات اللى انت عملتيها

اختارى مجموعة تكونى عايزة تكلميها بوضع علامة صح جنبها وokay
وزى ما اتفقنا ممكن المجموعة دى يكون فيها شخص واحد فقط أو زى ما انت عايزة

حتلاقى دايرة خضرا ظهرت جنب الشخص اللى انت عايزة تبقى متاحة تتكلمى معاه
وباقى الأشخاص لا
زى الصورة كدة